2010 йили 180 мингдан ортиқ немис фуқаролари католик черковини тарк этишган. Ўтган йил билан қиёс қилинса, черковни тарк қилганлар 50 минг одамга кўпайган (40 фоиз), деб хабар қилади Spiegel.
Кузатувчиларга кўра, черковни тарк қилишининг асосий сабаблари, католик ўқув юртларидаги ўқитувчиларнинг ёш ўқувчиларга нисбатан жинсий тажовузлари сабаб юзага келган “шов-шувли” жанжаллар эканлиги эътироф этилмоқда. Deutsche Welle сайтининг хабар беришича, Бавариядаги Аугсбург, Бамберг, Айхштетт, Пассау ва Вюрцбург епископларида жуда оғир вазият юзага келиб, 2010 йили черковдан чиққанларнинг 70 фоизи шуларга тегишлидир.Кельн архиепископствасида 2009 йилдан бери черковдан чиққанлар сони 41 фоизга ошган.
Welt маълумотига кўра, 2010 йилининг биринчи қисмида, черковни тарк қилишнинг авжига чиққан вақти, ёш болаларга нисбатан черков ҳодимларининг жинсий тажовузларига оид жанжаллар ошкор бўлаётган вақтга тўғри келган. Олдин хабар қилинганидек, ёш болаларга нисбатан тажовузга оид жанжал католик черковининг обрўсига жиддий зарар келтирган бўлсада, аммо шу вақтгача черковни тарк қилаётганларнинг сонини ҳеч ким аниқ айтмаган ва бу мавзу таҳлил қилинмаган эди. Бўлиб ўтган воқеалар ктолик черковининг ичкарисда ҳам қизғин баҳсларга сабаб бўлмоқда.
