Исломни танлаган қора танли реп мусиқачиси Кери Жеймс франсуз газеталари учун мавзу бўлди. Булар орасидан «Либерейшн» 2001 йил 24 ноябр сонида Кери Жеймс ҳақида иккита катта мақола чоп қилди.

Кери Жеймс газета мухбирининг саволларига берган жавобларида: "Авваллари инсонларни ўйин-кулгига, шаҳвониятни уйғотишга қаратилган қўшиқлар басталар эдим. Ҳозир эса одамларни масъулиятли бўлишга ташвиқ қилувчи мусиқалар ёзяпман", дейди.
Мазкур газета мухбири санъаткор билан Рамазон ойида кўришиб, суҳбатлашиш учун ифтор вақтини кутганини таъкидлаган. Шунингдек, санъаткорнинг гуруҳидагилар ҳам мусулмон бўлиб, ҳаммаси рўза тутганини ёзади.
Янги мусулмон Кери Жеймснинг гуруҳида пуфлаб чалинадиган ва симли чолғу асбоблари йўқ. Бунинг сабабини Кери Жеймс шундай тушунтиради: "Ислом албатта Қуръонга таянади. Фақат Қуръонда бўлмаган масалаларни бизларга Пайғамбаримиз (с.а.в.) батафсил тушунтирганлар. Бу нарcаларга ҳадис дейилади. Аллоҳ бизга Пайғамбаримизнинг бекорга гапирмаганини, Аллоҳ дан ваҳий ва илҳом олиб бизга йўл кўрсатганини билдирмоқда.
Ҳадисларда баъзи чолғу асбоблари таъқиқланган. Табиийки, бу таъқиқланган чолғу асбобларини ишлатган мусулмонлар кофир бўладилар деган маънога келмайди. Бу мавзуда чуқур кетишдан қатъиян қочиш керак".
Санъаткор мусулмон бўлгандан кейин нима учун исмини ўзгартирмаганлиги ҳақидаги саволга жавоб бермаган.
«Реп мусиқада аёллар мен синглимни кўришни хоҳламаган ва аёлликка ярашмайдиган ҳолатда кўрсатилмоқчи бўлинади... Мен ўз синглим учун раво кўрмаган нарсани бошқаларнинг синглиси учун ҳам хуш кўрмайман», дейди санъаткор мақолада.